नयाँ पत्रिका
काठमाडौं, १४ असोज
नेपाल नागरिक उड्डयन प्राधिकरणले हवाई यात्राका क्रममा ‘सामसुङ ग्यालेक्सी नोट–७’ मोबाइल सेट प्रयोग गर्न तथा लगेजमा बोक्न प्रतिबन्ध लगाएको छ । सो फोन लगेजमा बोक्न नपाइने तथा हातमा बोक्दा पनि जहाजमा बोर्डिङ गर्नुअघि नै स्विच अफ गर्नुपर्ने, जहाजमा ब्याट्री चार्ज गर्न नपाइने निर्देशन प्राधिकरणले दिएको छ ।
काठमाडौं, १४ असोज
नेपाल नागरिक उड्डयन प्राधिकरणले हवाई यात्राका क्रममा ‘सामसुङ ग्यालेक्सी नोट–७’ मोबाइल सेट प्रयोग गर्न तथा लगेजमा बोक्न प्रतिबन्ध लगाएको छ । सो फोन लगेजमा बोक्न नपाइने तथा हातमा बोक्दा पनि जहाजमा बोर्डिङ गर्नुअघि नै स्विच अफ गर्नुपर्ने, जहाजमा ब्याट्री चार्ज गर्न नपाइने निर्देशन प्राधिकरणले दिएको छ ।
प्राधिकरणको निर्णयसँगै वायुसेवा कम्पनीहरूले आफ्ना जहाजमार्फत यात्रा गर्दा उक्त मोबाइल सेट प्रयोग र बोक्न निषेध गरेका छन् । प्राधिकरणले यात्रु तथा समग्र हवाईलाई कारण देखाउँदै जहाजमा उक्त मोबाइल प्रयोग तथा बोक्न प्रतिबन्ध लगाएको हो । बिहीबारबाट आन्तरिक तथा नेपालबाट हुने अन्तर्राष्ट्रिय उडानमा समेत ग्यालेक्सी नोट–७ प्रयोगमा प्रतिबन्ध लगाइएको छ । सो फोनको ब्याट्रीमा समस्या देखिएको भन्दै अमेरिका, भारतलगायत विश्वका धेरै देशले हवाई यात्रामा त्यसको प्रयोगमा प्रतिबन्ध लगाइसकेका छन् ।
कम्पनीहरूले जारी गरे सूचना
प्राधिकरणको निर्णयसँगै वायुसेवा कम्पनीले जहाजमा उक्त मोबाइल सेट प्रयोगमा निषेध गरिएको सूचना जारी गरेका छन् । निजी लगानीका बुद्ध एयर, यती एयरलाइन्स, तारा एयरलगायतले आन्तरिक उडानमा मोबाइल प्रयोग प्रतिबन्धको सूचना जारी गरेका हुन् । नेपाल वायुसेवा निगमले पनि आफ्ना उडानमा यो मोबाइल प्रयोग गर्न प्रतिबन्ध लगाएको छ । नेपालबाट हुने अन्तर्राष्ट्रिय तथा आन्तरिक उडानमा सामसुङ ग्यालेक्सी नोट–७ प्रयोग गर्न नपाइने निगमका प्रवक्ता रामहरि शर्माले जानकारी दिए ।
प्राधिकरणको निर्णयसँगै वायुसेवा कम्पनीले जहाजमा उक्त मोबाइल सेट प्रयोगमा निषेध गरिएको सूचना जारी गरेका छन् । निजी लगानीका बुद्ध एयर, यती एयरलाइन्स, तारा एयरलगायतले आन्तरिक उडानमा मोबाइल प्रयोग प्रतिबन्धको सूचना जारी गरेका हुन् । नेपाल वायुसेवा निगमले पनि आफ्ना उडानमा यो मोबाइल प्रयोग गर्न प्रतिबन्ध लगाएको छ । नेपालबाट हुने अन्तर्राष्ट्रिय तथा आन्तरिक उडानमा सामसुङ ग्यालेक्सी नोट–७ प्रयोग गर्न नपाइने निगमका प्रवक्ता रामहरि शर्माले जानकारी दिए ।
किन गरिएको हो निषेध ?
विश्वका अधिकांश मुलुकका वायुसेवा कम्पनीले सामसुङ ग्यालेक्सी नोट–७ मोबाइल निषेध गरिसकेका छन् । ब्याट्री पड्किने समस्या आएको यो मोबाइलमा खराबी रहेको कम्पनीले समेत स्वीकार गरेको छ । सामसुङले यो मोबाइल कमजोरी रहेको स्वीकार गर्दै बजारबाट फिर्ता लैजाने घोषणासमेत गरिसकेको छ ।
कुन–कुन अवस्थामा मोबाइल निषेध ?
कम्पनीहरूले उक्त सेट लगेजका माध्यमबाट जहाजभित्र लैजान प्रतिबन्ध लगाएका छन् । साथै जहाजमा बोर्डिङ गर्नुअघि नै स्विच अफ गर्नुपर्ने भएको छ । जहाजमा रहँदा मोबाइल अन गर्न, प्रयोग गर्न, फ्लाइट मोडमा राख्न र चार्जमा राख्नसमेत प्रतिबन्ध लगाइएको छ । चेक इन भइसकेको कुनै ब्यागमा पनि मोबाइल बोक्न पाइनेछैन ।
विश्वका अधिकांश मुलुकका वायुसेवा कम्पनीले सामसुङ ग्यालेक्सी नोट–७ मोबाइल निषेध गरिसकेका छन् । ब्याट्री पड्किने समस्या आएको यो मोबाइलमा खराबी रहेको कम्पनीले समेत स्वीकार गरेको छ । सामसुङले यो मोबाइल कमजोरी रहेको स्वीकार गर्दै बजारबाट फिर्ता लैजाने घोषणासमेत गरिसकेको छ ।
कुन–कुन अवस्थामा मोबाइल निषेध ?
कम्पनीहरूले उक्त सेट लगेजका माध्यमबाट जहाजभित्र लैजान प्रतिबन्ध लगाएका छन् । साथै जहाजमा बोर्डिङ गर्नुअघि नै स्विच अफ गर्नुपर्ने भएको छ । जहाजमा रहँदा मोबाइल अन गर्न, प्रयोग गर्न, फ्लाइट मोडमा राख्न र चार्जमा राख्नसमेत प्रतिबन्ध लगाइएको छ । चेक इन भइसकेको कुनै ब्यागमा पनि मोबाइल बोक्न पाइनेछैन ।
Comments
Post a Comment