- सामान्य अवस्थामा पनि सुस्त गतिले अगाडी बढेको स्तरोन्नती आयोजनालाई इन्धन अभावले थप प्रभावित बनाएको हो
- आयोजनाले निर्धारण गरेका सबै काम शूरु भएपनि गति भने लिन भने नसकेको आयोजनाका एक उच्च अधिकारीले बताए
- विमानस्थलको आन्तरिक स्रोतबाट हुने विकास निर्माणका काम पनि अहिले ठप्प रहेको त्रिभुवन अन्तरराष्ट्रिय विमानस्थलका महाप्रवन्धक देवानन्द उपाध्यायले जानकारी दिए
- आर्थिक वर्ष २०७२÷७३ का लागि निर्धारित कामका पनि टेण्डर आह्वान गर्न नसकिएको विमानस्थल कार्यालयको भनाइ छ
अच्युत पुरी ÷ नयाँ पत्रिका
काठमाडौं १५, कात्तिक
‘त्रिभुवन अन्तरराष्ट्रिय विमानस्थल स्तरोन्नती आयोजना’को काम रोकिएको छ । सामान्य अवस्थामा पनि सुस्त गतिले अगाडी बढेको स्तरोन्नती आयोजनालाई इन्धन अभावले थप प्रभावित बनाएको हो । एसियाली विकास बैङ्कको झण्डै ९ अर्ब रुपैयाँ ऋण तथा अनुदान सहयोगमा विमानस्थलमा स्तरोन्तीको काम भइरहेको छ । स्तरोन्नतीअन्तर्गत धावनमार्ग बिस्तार, प्यारालल ट्याक्सी वे निर्माण, पार्किङ बिस्तारजस्ता कामहरू भइरहेका छन् ।
सन् २०१३ मा पहिलो चरणको काम सक्नु पर्ने आयोजनाअन्तर्गत निर्धारित लक्ष्य पुरा नभएपछि समय थपेर २०१६ सम्म पु¥याइएको छ । आयोजनाले निर्धारण गरेका सबै काम शूरु भएपनि गति भने लिन भने नसकेको आयोजनाका एक उच्च अधिकारीले बताए । विमानस्थल स्तरोन्नतीले ३ सय मिटर धावनमार्ग बिस्तार, ८ ओटा पार्किङ जोन निर्माण, अन्तरराष्ट्रिय प्रस्थान र आगमन कक्ष बिस्तार गर्ने लक्ष्य राखेको छ ।
स्तरोन्नतीका लागि विमानस्थलमा २० लाख घनमिटर माटो बाहिरबाट ल्याउनुपर्ने आवश्यकता छ । त्यसमध्ये हालसम्म ४ लाख घनमिटरमात्र आइसकेको बताइएको छ । भारतको अघोषित नाकाबन्दी अगाडी निर्माण कार्यले केही गति लिएको भएपनि अहिले भने ठप्प रहेको ती अधिकारीले जानकारी दिए ।
उता, विमानस्थलको आन्तरिक स्रोतबाट हुने विकास निर्माणका काम पनि अहिले ठप्प रहेको त्रिभुवन अन्तरराष्ट्रिय विमानस्थलका महाप्रवन्धक देवानन्द उपाध्यायले जानकारी दिए । ‘विमानस्थलबाट प्रदान गर्ने सेवामा कुनै पनि प्रभाव पर्न दिएका छैनौं,’ उनले भने, ‘तर, भौतिक संरचना निर्माणको काम भने ठप्प छ ।’ विमानस्थल स्तरोन्नती आयोजनाका लागि सिमेण्टलगायत निर्माण सामग्री र ठूला सवारी–साधन सञ्चालनका लागि इन्धन अभाव रहेको उनको भनाइ छ ।
आर्थिक वर्ष २०७२÷७३ का लागि निर्धारित कामका पनि टेण्डर आह्वान गर्न नसकिएको महानिर्देशक उपाध्यायले जानकारी दिए । सोहीकारण विमानस्थलभित्र आन्तरिक टर्मीनल भवनको औपचारिक सञ्चालन, शौचालय निर्माण, सौन्दर्यकरणलगायत थुप्रै कामहरू रोकिएका छन् । ‘उपलब्ध स्रोत–साधनलाई अधिकतम उपयोग गरेर विमानस्थल सञ्चालन गरिरहेका छौं,’ उपाध्यायले भने, ‘निर्माण कार्य रोकिनु त राष्ट्रिय समस्या नै हो ।’ इन्धन अभावको समस्या सुल्झने बित्तिकै निर्माण गतिविधिले गति लिने अपेक्षा गरिएको उनले बताए । विमानस्थललाई अन्तरराष्ट्रिय स्तरको मापदण्डअनुसार विकास गर्ने प्रयासमा विमानस्थल कार्यालयले विविध गतिविधि सञ्चालन गरिरहेको छ ।
काठमाडौं १५, कात्तिक
‘त्रिभुवन अन्तरराष्ट्रिय विमानस्थल स्तरोन्नती आयोजना’को काम रोकिएको छ । सामान्य अवस्थामा पनि सुस्त गतिले अगाडी बढेको स्तरोन्नती आयोजनालाई इन्धन अभावले थप प्रभावित बनाएको हो । एसियाली विकास बैङ्कको झण्डै ९ अर्ब रुपैयाँ ऋण तथा अनुदान सहयोगमा विमानस्थलमा स्तरोन्तीको काम भइरहेको छ । स्तरोन्नतीअन्तर्गत धावनमार्ग बिस्तार, प्यारालल ट्याक्सी वे निर्माण, पार्किङ बिस्तारजस्ता कामहरू भइरहेका छन् ।
सन् २०१३ मा पहिलो चरणको काम सक्नु पर्ने आयोजनाअन्तर्गत निर्धारित लक्ष्य पुरा नभएपछि समय थपेर २०१६ सम्म पु¥याइएको छ । आयोजनाले निर्धारण गरेका सबै काम शूरु भएपनि गति भने लिन भने नसकेको आयोजनाका एक उच्च अधिकारीले बताए । विमानस्थल स्तरोन्नतीले ३ सय मिटर धावनमार्ग बिस्तार, ८ ओटा पार्किङ जोन निर्माण, अन्तरराष्ट्रिय प्रस्थान र आगमन कक्ष बिस्तार गर्ने लक्ष्य राखेको छ ।
स्तरोन्नतीका लागि विमानस्थलमा २० लाख घनमिटर माटो बाहिरबाट ल्याउनुपर्ने आवश्यकता छ । त्यसमध्ये हालसम्म ४ लाख घनमिटरमात्र आइसकेको बताइएको छ । भारतको अघोषित नाकाबन्दी अगाडी निर्माण कार्यले केही गति लिएको भएपनि अहिले भने ठप्प रहेको ती अधिकारीले जानकारी दिए ।
उता, विमानस्थलको आन्तरिक स्रोतबाट हुने विकास निर्माणका काम पनि अहिले ठप्प रहेको त्रिभुवन अन्तरराष्ट्रिय विमानस्थलका महाप्रवन्धक देवानन्द उपाध्यायले जानकारी दिए । ‘विमानस्थलबाट प्रदान गर्ने सेवामा कुनै पनि प्रभाव पर्न दिएका छैनौं,’ उनले भने, ‘तर, भौतिक संरचना निर्माणको काम भने ठप्प छ ।’ विमानस्थल स्तरोन्नती आयोजनाका लागि सिमेण्टलगायत निर्माण सामग्री र ठूला सवारी–साधन सञ्चालनका लागि इन्धन अभाव रहेको उनको भनाइ छ ।
आर्थिक वर्ष २०७२÷७३ का लागि निर्धारित कामका पनि टेण्डर आह्वान गर्न नसकिएको महानिर्देशक उपाध्यायले जानकारी दिए । सोहीकारण विमानस्थलभित्र आन्तरिक टर्मीनल भवनको औपचारिक सञ्चालन, शौचालय निर्माण, सौन्दर्यकरणलगायत थुप्रै कामहरू रोकिएका छन् । ‘उपलब्ध स्रोत–साधनलाई अधिकतम उपयोग गरेर विमानस्थल सञ्चालन गरिरहेका छौं,’ उपाध्यायले भने, ‘निर्माण कार्य रोकिनु त राष्ट्रिय समस्या नै हो ।’ इन्धन अभावको समस्या सुल्झने बित्तिकै निर्माण गतिविधिले गति लिने अपेक्षा गरिएको उनले बताए । विमानस्थललाई अन्तरराष्ट्रिय स्तरको मापदण्डअनुसार विकास गर्ने प्रयासमा विमानस्थल कार्यालयले विविध गतिविधि सञ्चालन गरिरहेको छ ।
posted by : http://www.enayapatrika.com
Comments
Post a Comment