एभिएशन उद्योगमा बढ्यो जनशक्तिको माग

अच्युत पुरी September 30, 2014

असोज १४, काठमाडौं  नेपाली एभिएशन उद्योगमा दक्ष जनशक्तिको माग बढेको छ । लगानी र एयरक्राप्mटको सङ्ख्यासमेत वृद्धि हुने भएसँगै एभिएशन उद्योगमा थप जनशक्ति आवश्यक भएको एयरलाइन्स कम्पनीहरूले बताएका छन् । सन् २०१४ मा नेपालमा दुईओटा वायुसेवा कम्पनीले एकैपटक २५÷२५ जना पाइलट माग गरिसकेका छन् ।

आगामी कात्तिक ११ गतेबाट अन्तरराष्ट्रिय उडान शुरू गर्ने योजना बनाएको हिमालय एयरलाइन्सले हालै २५ जना पाइलट र सोही सङ्ख्यामा को–पाइलटका लागि दरखास्त आह्वान गरेको छ । हिमालयले एयरबस कम्पनीको ए–३१९ विमानमार्फत चीनका विभिन्न शहरमा उडान गर्दै छ । कम्पनीले १ वर्षभित्र तीनओटा जहाजबाट उडान गर्ने योजना बनाएको छ । हिमालयले दोस्रो वर्षभित्र जहाज सङ्ख्या ५ पु¥याउने बताएको छ । ५ वर्षमा १५ जहाजबाट उडान गर्ने घोषणा गरेको कम्पनीले सो अवधिभित्र १ हजार जनशक्तिलाई प्रत्यक्ष रोजगारी प्रदान गर्ने भएको छ । 

उता, सरकारी स्वामित्वको वायुसेवा कम्पनी नेपाल एयरलाइन्स (एनएसी)ले पनि १ हजार रोजगारी थप गर्न लागेको बताएको छ । सोहीअनुसार एनएसीले सन् २०१४ भित्रमात्र अपरेशन इञ्जिनीयर, वरिष्ठ प्राविधिक, पाइलट, जुनियर क्याप्टेन तथा चार्टर्ड एकाउण्टेण्टलगायत पदमा दरखास्त आह्वान गरिसकेको छ । एनएसीले पनि यस वर्ष एकैपटक २५ जनासम्म पाइलटका लागि दरखास्त मागेको थियो । एनएसीको नियमित तालिकाअनुसार कात्तिकसम्म आन्तरिक उडानका लागि ६ ओटा नयाँ जहाज भित्रिँदै छन् ।

त्यसमध्ये एक विमानमार्पmत एनएसीले सेवा प्रारम्भ गरिसकेको छ । सन् २०१५ सम्म आन्तरिक र बाह्य उडानका विमान सङ्ख्या झण्डै एक दर्जन पु¥याउन लागेको कम्पनीले आवश्यकताअनुसार जनशक्ति थप गर्दै जाने एनएसीका एक अधिकारीले बताए । नेपाल एयरलाइन्सले अन्तरराष्ट्रिय उडानका लागि एयरबस कम्पनीका २ जहाज भिœयाउँदै छ । जहाज सङ्ख्या बढेसँगै कम्पनीको क्षमता वृद्धि हुने भएकाले दक्ष जनशक्ति आवश्यक पर्ने ती अधिकारीको भनाइ छ । 

एनएसीमा हाल झण्डै १ हजार ९ सय जना कर्मचारीको दरबन्दी छ । त्यसमध्ये करारमा नियुक्त भएकासहित १ हजार ४ सय जना हाल कार्यरत छन् । साथै, नेपाली वायुसेवा कम्पनीहरूको नियामक निकाय नेपाल नागरिक उड्डयन प्राधिकरणले पनि विभिन्न प्राविधिक तथा प्रशासनिक पदमा कर्मचारी भर्ना जारी राखेको छ । 

नेपालमा अहिले १५ ओटा वायुसेवा कम्पनीले आन्तरिक उडान गरिरहेका छन् । ती कम्पनीले ५ हजार ९ सय ३ जनालाई प्रत्यक्ष रोजगारी प्रदान गरिरहेको संस्कृृति, पर्यटन तथा नागरिक उड्डयन मन्त्रालयद्वारा सार्वजनिक ‘टूरिजम इम्प्लोइमेण्ट सर्वे २०१४)मा उल्लेख छ । नेपालमा अन्तरराष्ट्रिय उडान गर्ने कम्पनीको सङ्ख्या भने २९ पुगेको छ । ती कम्पनीमार्पmत १२ हजार ८ सय २२ जनाले रोजगारी प्राप्त गरिरहेको सर्वेको तथ्याङ्कमा उल्लेख छ । नेपालमा २ सय जनाभन्दा बढी पाइलट अभैm पनि बेरोजगार रहेको अनुमान गरिन्छ ।