November 28, 2013
नेपाली क्रिकेटको ऐतिहासिक सफलता : रेग्मी
खेलाडीलाई जनही १० लाख पुरस्कार सिफारिश
मङ्सिर १२, काठमाडौं । अन्तरराष्ट्रिय क्रिकेटको १७ वर्षे इतिहासमा
नेपाल पहिलोपटक विश्वकप प्रतियोगिताका लागि छानिएको छ । इतिहासकै सर्वाधिक
ठूलो उपलब्धि प्राप्त गर्ने क्रममा नेपालले बुधवार टी–२० विश्वकप क्रिकेट
छनोट प्रतियोगितामा हङ्कङविरुद्ध ५ विकेटको महत्वपूर्ण जित दर्ता गर्यो ।
जितसँगै नेपाल सन् २०१४ मार्च १६ देखि बङ्गलादेशमा हुने टी–२० विश्वकपमा
एशोसिएट्स सदस्यका रूपमा छानिएको हो । हरेक २ वर्षमा आयोजना हुने सो
प्रतियोगिताका लागि यूएईको अबुधाबीमा जारी छनोट प्रतियोगिताको क्वाटर
फाइनलमा हङकङविरुद्ध टस जितेर नेपालले पहिले ‘फिल्डिङ’ गर्ने निर्णय गरेको
थियो । कप्तानको सो निर्णयलाई युवा बलर जितेन्द्र मुखिया र अविनाश कर्णले
सही साबित गरिदिए । तर, नेपालको जितमा भने शरद भेष्वाकर नायक बने ।
शेख जायद क्रिकेट मैदानमा हङ्कङद्वारा प्रस्तुत १ सय ४४ रनको लक्ष्य
पछ्याउने क्रममा नेपाललाई अन्तिम ओभरमा १३ रन आवश्यक थियो । कसिलो बलिङ
गरेका हसिब अमजादको पहिलो २ बलबाट भेष्वाकरले १० रन जुटाएपछि मात्र नेपाल
जिततर्फ उन्मुख भएको हो । भेष्वाकरले अन्तिम बलमा १ रन जोडेर नेपाललाई
विश्वकपको टिकट दिलाए । ७ बलको सामना गरेका उनी १३ रन बनाउँदै अविजित रहे ।
म्यान अफ दि प्लेयर घोषित कप्तान पारस खड्काले ३९ बलमा ४६ रन बनाउँदै
‘इनिङ’लाई सम्हालेका थिए । नेपालका लागि उपकप्तान ज्ञानेन्द्र मल्लले ३०,
सागर पुनले २२ तथा सुभाष खकुरेलले १६ रनको योगदान दिए । वसन्त भण्डारीले ७
रन बनाए । प्रदीप ऐरी ३ रनमा अविजित रहे । नेपालले ५ विकेट मात्र गुमायो ।
यसअघि हङकङले निर्धारित ओभरमा ७ विकेट गुमाउँदै १ सय ४३ रन मात्र बनाउन
सक्यो । उसका लागि वाकास वर्कात, निजाकत खान र तन्विर अफ्जलले समान २५/२५
रन जोडे । हङकङलाई मध्यम योगफलमा समेट्ने क्रममा मुखियाले ४ ओभरमा ३२ रन
खर्चंदै ३ विकेट झारेका थिए । समान ओभरमा २८ रन दिएका कर्णले २ विकेट लिए ।
कप्तान खड्काको नाममा एक विकेट रह्यो ।
समूह चरणमा ७ खेलबाट ४ जितसँगै तेस्रो स्थानमा रहेको नेपाल
प्रतियोगिताको सेमिफाइनलमा प्रवेश गरेको छ । सेमिफाइनलमा नेपालले शुक्रवार
अफगानिस्तानसँग खोल्नेछ । जितपछि कप्तान खड्काले नेपाल विश्वका बलिया
टोलीसँग प्रतिस्पर्धा गर्न सक्षम रहेको प्रतिक्रिया दिए । टोलीको मेहनतले
ठूलो उपलब्धि हासिल भएको उनको भनाइ छ ।
नेपालको विश्वकप यात्रा
इण्टरनेशनल क्रिकेट काउन्सिल (आईसीसी) र एशियाली क्रिकेट काउन्सिल (एसीसी)बाट पहिलोपटक सन् १९९६ मा मान्यता पाएको नेपाल १७ वर्षकै यात्रामा आईसीसीको सर्वोच्च प्रतियोगितामध्ये एक आईसीसी टी–ट्वाण्टी विश्वकप खेल्न योग्य बनेको छ । सोही वर्ष मलेसियामा सम्पन्न ‘एसीसी ट्रफी’ क्रिकेट प्रतियोगिताबाट नेपाल अन्तरराष्ट्रिय क्रिकेटमा प्रवेश गरेको हो । त्यसयता नेपालले एसीसी ट्रफी, एसीसी ट्वाण्टी–२० कप, आईसीसी ट्रफी, आईसीसी इण्टरनेशनल कपलगायत प्रतियोगितामा भाग लिइसकेको छ । सन् २०१३ मा वल्र्ड क्रिकेट लीग डिभिजन ३ को विजेता बन्दै डिभिजन २ मा उक्लिएको नेपालले दुवै संरचनाको विश्ककप छनोट खेल्ने बाटो निर्माण गरेको थियो । त्यसमध्ये एउटा उद्देश्य पूरा गरिसकेको छ । एक दिवसीय विश्वकप प्रतियोगितामा सहभागिताका लागि भने आगामी वर्ष जनवरीमा न्यूजिल्याण्डमा आयोजना हुने छनोट प्रतियोगिता खेल्दै छ ।
इण्टरनेशनल क्रिकेट काउन्सिल (आईसीसी) र एशियाली क्रिकेट काउन्सिल (एसीसी)बाट पहिलोपटक सन् १९९६ मा मान्यता पाएको नेपाल १७ वर्षकै यात्रामा आईसीसीको सर्वोच्च प्रतियोगितामध्ये एक आईसीसी टी–ट्वाण्टी विश्वकप खेल्न योग्य बनेको छ । सोही वर्ष मलेसियामा सम्पन्न ‘एसीसी ट्रफी’ क्रिकेट प्रतियोगिताबाट नेपाल अन्तरराष्ट्रिय क्रिकेटमा प्रवेश गरेको हो । त्यसयता नेपालले एसीसी ट्रफी, एसीसी ट्वाण्टी–२० कप, आईसीसी ट्रफी, आईसीसी इण्टरनेशनल कपलगायत प्रतियोगितामा भाग लिइसकेको छ । सन् २०१३ मा वल्र्ड क्रिकेट लीग डिभिजन ३ को विजेता बन्दै डिभिजन २ मा उक्लिएको नेपालले दुवै संरचनाको विश्ककप छनोट खेल्ने बाटो निर्माण गरेको थियो । त्यसमध्ये एउटा उद्देश्य पूरा गरिसकेको छ । एक दिवसीय विश्वकप प्रतियोगितामा सहभागिताका लागि भने आगामी वर्ष जनवरीमा न्यूजिल्याण्डमा आयोजना हुने छनोट प्रतियोगिता खेल्दै छ ।
आईसीसीको नयाँ नियमअनुसार विश्वकप प्रतियोगितामा उपाधिका लागि १६
राष्ट्र भिड्नेछन् । तर, त्यसअघि टी–२० विश्वकप छनोट प्रतियोगिताबाट
छानिएका ६ ओटा एशोसिएट राष्ट्रले आयोजक बङ्गलादेश र जिम्बाबेसँग दुई समूहमा
‘प्रि–क्वालिफाइङ’ प्रतिस्पर्धा गर्नुपर्नेछ । ४/४ टोली संलग्न ती समूहको
शीर्षस्थानमा रहने एक/एक टोलीले टेष्ट मान्यताप्राप्त ८ टोली सम्मिलित
समूहका सदस्यसँग उपाधिका लागि प्रतिस्पर्धा गर्नेछन् ।
निजीक्षेत्रबाट पुरस्कार
राष्ट्रिय खेलकुद परिषद्ले विश्वकपमा छनोट हुन सफल नेपाली टोलीका हरेक सदस्यलाई जनही १०/१० लाख रुपैयाँ पुरस्कार प्रदान गर्न सरकारसमक्ष सिफारिश गरेको छ । उता, नेपाली टोलीका हरेक सदस्यलाई निजीक्षेत्रका आठओटा कम्पनीले व्यक्तिगत प्रायोजन गर्ने सुनिश्चित भएको छ । सोअनुसार हरेक खेलाडीले २ वर्षसम्म प्रतिमहीना १५/१५ हजार रुपैयाँ प्राप्त गर्नेछन् । साथै, छनोट प्रतियोगिताका लागि प्रस्थान गर्नुअघि नेपाल उद्योग वाणिज्य महासङ्घका अध्यक्ष सुरज वैद्यले छनोट भए टोलीको उत्कृष्ट खेलाडीलाई कार उपहार दिने घोषणा गरेका थिए । पञ्चकन्या समूहका प्रदीपकुमार श्रेष्ठले पनि छनोट भए पुरस्कार दिने घोषणा गरिसकेका छन् । मोडल भिसा कन्सल्टेन्सीले समूह चरणमा ‘म्यान अफ दि म्याच’ घोषित हुने सदस्यलाई रू. २५ हजार दिने घोषणा गरिसकेको छ । आईसीएफसी फाइनान्स लिमिटेडले नेपाली टोलीका हरेक सदस्यलाई जनही १०/१० हजार रुपैयाँ प्रदान गर्ने भएको छ ।
क्रिकेट टोलीलाई बधाईको ओइरो
मङ्सिर १२, काठमाडौं (अस) । मन्त्रिपरिषद्का अध्यक्ष खिलराज रेग्मीले क्रिकेटको सबैभन्दा सानो संरचनाको विश्वकपका लागि छनोट नेपाली टोलीका सदस्यलाई बधाई दिएका छन् । बुधवार एक विज्ञप्ति जारी गर्दै उनले यो नेपाली क्रिकेटका लागि ऐतिहासिक सफलता भएको बताए । विश्वसामु नेपाल र नेपाली खेलकुदको प्रतिष्ठा बढेको भन्दै उनले आगामी दिनमा क्रिकेट टोलीको सफलताको कामना पनि गरेका छन् ।
राष्ट्रिय खेलकुद परिषद्ले विश्वकपमा छनोट हुन सफल नेपाली टोलीका हरेक सदस्यलाई जनही १०/१० लाख रुपैयाँ पुरस्कार प्रदान गर्न सरकारसमक्ष सिफारिश गरेको छ । उता, नेपाली टोलीका हरेक सदस्यलाई निजीक्षेत्रका आठओटा कम्पनीले व्यक्तिगत प्रायोजन गर्ने सुनिश्चित भएको छ । सोअनुसार हरेक खेलाडीले २ वर्षसम्म प्रतिमहीना १५/१५ हजार रुपैयाँ प्राप्त गर्नेछन् । साथै, छनोट प्रतियोगिताका लागि प्रस्थान गर्नुअघि नेपाल उद्योग वाणिज्य महासङ्घका अध्यक्ष सुरज वैद्यले छनोट भए टोलीको उत्कृष्ट खेलाडीलाई कार उपहार दिने घोषणा गरेका थिए । पञ्चकन्या समूहका प्रदीपकुमार श्रेष्ठले पनि छनोट भए पुरस्कार दिने घोषणा गरिसकेका छन् । मोडल भिसा कन्सल्टेन्सीले समूह चरणमा ‘म्यान अफ दि म्याच’ घोषित हुने सदस्यलाई रू. २५ हजार दिने घोषणा गरिसकेको छ । आईसीएफसी फाइनान्स लिमिटेडले नेपाली टोलीका हरेक सदस्यलाई जनही १०/१० हजार रुपैयाँ प्रदान गर्ने भएको छ ।
क्रिकेट टोलीलाई बधाईको ओइरो
मङ्सिर १२, काठमाडौं (अस) । मन्त्रिपरिषद्का अध्यक्ष खिलराज रेग्मीले क्रिकेटको सबैभन्दा सानो संरचनाको विश्वकपका लागि छनोट नेपाली टोलीका सदस्यलाई बधाई दिएका छन् । बुधवार एक विज्ञप्ति जारी गर्दै उनले यो नेपाली क्रिकेटका लागि ऐतिहासिक सफलता भएको बताए । विश्वसामु नेपाल र नेपाली खेलकुदको प्रतिष्ठा बढेको भन्दै उनले आगामी दिनमा क्रिकेट टोलीको सफलताको कामना पनि गरेका छन् ।
उता, एमाले अध्यक्ष झलनाथ खनालले पनि खेलकुदमार्फत मुलुकको शिर उँचो
बनाउने काम गरेको भन्दै नेपाली टोलीका सदस्यलाई बधाई दिएका छन् । ‘पारस
खड्काको कप्तानीले दिएको सुखद जितले आमनेपालीलाई खुशी बनाएको छ । आगामी
वर्ष हुने विश्वकपमा पनि यो खुशीले निरन्तरता पाउने विश्वास लिएको छु,’
खनालद्वारा जारी विज्ञप्तिमा उल्लेख छ । यसैगरी नेपाली काङ्ग्रेसका
उपसभापति रामचन्द्र पौडेलले नेपाली क्रिकेटले नयाँ इतिहास रच्दै नेपाली
खेलकुदमा नयाँ अध्याय शुरू भएको बताएका छन् । उनले नेपाली टोलीका खेलाडी,
प्रशिक्षक, शुभचिन्तक तथा खेलप्रेमीमा बधाई तथा शुभकामना व्यक्त गरेका छन् ।
यस प्रतियोगिताबाट अझ बढी सफलता पाउन सरोकारवाला सबैको सहयोग आवश्यक
रहेको उनको भनाइ छ । पूर्वप्रधानमन्त्री बाबुराम भट्टराई, युवानेता गगन
थापा, अखिल नेपाल फूटबल सङ्घ (एन्फा)का अध्यक्ष गणेश थापालगायतले पनि
नेपाली टोलीको सफलतामा बधाई दिएका छन् ।
Comments
Post a Comment